3 de decembro: Día internacional da discapacidade

 Hoxe, 3 de decembro, celébrase o día internacional da discapacidade. 

Quixemos darlle maior visualización elaborando un tríptico con recursos diversos da nosa biblioteca.

Aquí vos deixamos o folleto pero temos moitos máis títulos esperando por vos.

CONCURSO DE DESEÑO DE MARCAPÁXINAS

Como cada curso, convocamos con moita ilusión o concurso de deseño de marcapáxinas, 

desexando que sexades moitos os participantes. 

O tema elixido para este curso é COIDAMOS O PLANETA? 

 Aquí vos deixamos as bases do concurso. Lédeas atentamente e deixade fluír a vosa arte...

bases do concurso en pdf

25 de Novembro: Día internacional contra a violencia de xénero

 Para lembrar as 41 mulleres víctimas da violencia de xénero, 

realizamos un acto simbólico con flores na súa memoria 

coa axuda dos nosos axudantes e alumnado do centro.

Co gallo de concienciar e axudar a eliminar esta lacra social, 

elaboramos un tríptico con recursos e apps de gran interese.

Novembro: mes da ciencia en galego

 De novo, este curso celebramos o mes da ciencia en galego, 

elaborando o tríptico que vos deixamos a continuación  cunha recopilación de 

fondos que temos á vosa disposición na vosa biblioteca.

Homenaxe a Carvalho Calero

 

O equipo de dinamización linguística xunto coa biblioteca organizou unha homenaxe ao noso gran escritor da terra, Carbalho Calero. 

Podedes ver a continuación a presentación "os carballos na nosa poesía"
 que serviu de escenario de fondo para a lectura de poesías sobre carballos realizadas 

por alumnado do centro.

Actividades de Samaín

 Para este Samaín tan atípico, o alumnado de artes escénicas realizou unha actuación terrorífica chea de desaparicións e misterios que culminou cunha procesión de ánimas que tomou como punto de partida a biblioteca.

Grazas pola vosa interpretación e colaboración!

24 outubro- Día das Bibliotecas

 Co gallo da celebración do Día das Bibliotecas e tomando como referencia a temática de "Xeografías Lectoras" proposta polas Bibliotecas Escolares, elaboramos  unha presentación onde atopamos  libros fóra do seu lugar e formato habitual. 

Centenario do nacemento de Miguel Delibes

 Queremos lembrarvos que  o 17 de outubro celebrouse o centenario do nacemento de Miguel Delibes,  autor prolífico e visionario que foi un referente intelectual e moral do seu tempo. Co gallo desta data, elaboramos un tríptico con todas as obras que están dispoñibles na nosa biblioteca, esperando que vos guste.

FORMACIÓN DE USUARIOS

 Como cada curso, a semana pasada recibimos ao novo alumnado de 1º de ESO para explicarlles o funcionamento da biblioteca así como a distribución do seu fondo. Tamén recibiron formación sobre o novo protocolo de seguridade da biblioteca. Grazas a tod@s pola vosa participación!

Falecemento do creador de Mafalda, Quino

Temos que despedir a Quino, creador de Mafalda,  gran ilustrador arxentino que faleceu onte na súa cidade natal aos 88 anos:

Outra vez sopa!”, di Mafalda

Morreu Quino, pero Mafalda será inmortal. A nena sabia fainos rir coa súa mirada inocente e palabras tan certas e tan de actualidade moitas veces.

Aquí a vemos tratando de curar un mundo enfermo. Todos desexamos que o consiga...