Rematando este primeiro trimestre, dende a biblioteca queremos desexarvos a tod@s unhas felices e merecidas vacacións. Aproveitamos a ocasión para deixarvos a nosa selección de lecturas recomendadas para este tempo de lecer... e lembrade que non é necesario manter a distancia de seguridade cun libro.
BO NADAL!!!
Neste mes de novembro, que deixamos atrás, tivemos que lamentar o pasamento de dous grandes escritores: Darío Xohán Cabana e Almudena Grandes, aínda que sempre seguirán vivos para nós a través da súa obra.
Para visualizar este día, elaboramos unha exposición especial coa axuda do grupo de voluntarios de biblioteca, así como alumnado de artes que prepararon as gafas que expoñen a mensaxe "CAMBIA A TÚA MIRADA: PONTE NO SEU LUGAR" tratando de fomentar a concienciación sobre este tema dos máis xóvenes.
O departamento de Orientación tamén organizou unha charla para previr a violencia de xénero co alumnado de 1º e 2º de ESO no salón de actos.
Como cada ano, vimos celebrando este certame de marcapáxinas dedicado este curso a "lugares e xentes do mundo". Aquí vos deixamos as bases para que sexades moit@s @s participantes. Esperámosvos!
Se tedes algunha dúbida, pasade pola biblioteca ou preguntádelle ao profesorado de artes.
Como sabedes tod@s, este curso polo Samaín convocouse un concurso de cabazas e outro de relatos de terror, xunto cun "desfile" de ánimas representando cada unha delas a unha personaxe galega. Aquí vos deixamos o enlace na foto, onde podedes atopar toda a información sobre estas actividades.
E este é un dos carteis que levaron as "ánimas". Sabes de quen se trata?
O 24 de outubro celébrase o Día das Bibliotecas e con este motivo, elaboramos unha presentación con algunhas das bibliotecas máis "modernas" que podemos atopar en diversos lugares do mundo. Aquí vola deixamos para que as disfrutedes.
Neste mes de setembro,que acabamos de deixar atrás, celebrouse o centenario do nacemento dos escritores Carmen Laforet e Stanislaw Lem, así como os 700 anos da morte de Dante Alighieri. Con este motivo presentámosvos estes carteis nos que vos amosamos unha pequena reseña sobre as súas vidas, así como as obras que podedes atopar na biblioteca.
Despois doutro curso atípico, rematamos a nosa andaina desexándovos que teñades un bo e merecido descanso nestas vacacións de verán, nas que esperamos que aproveitedes os vosos días para seguir lendo.
Esperámosvos á volta. FELIZ VERÁN A TODAS E TODOS!!!
Os alumnos e alumnas de 4º de ESO traballaron sobre os ecosistemas e o cambio climático dos que nos fixeron partícipes e vos deixamos a mostra:
Os alumnos e alumnas de 1º de eso elaboraron diversas presentacións sobre animais que están en perigo de extinción para concienciar á comunidade da súa necesaria protección. Dende a Biblioteca queremos eespoñer e agradecer o seu gran traballo en prol do medio ambiente.
Aquí vos deixamos algunha mostra:
O día 8 de xuño celebrouse o Día Mundial dos Océanos. Para protexelos e coidar das nosas praias e mares, vos deixamos esta presentación realizada por unha alumna que amosa perfectamente o mal que estamos a facer...
O pasado sábado 5 de xuño, celebramos o Día do Medio Ambiente. O noso alumnado realizou diversas fotos da impronta humana na natureza para concienciarnos de que debemos coidar a nosa contorna. Aquí vos deixamos unha mostra. Grazas pola vosa participación!
Este mércores, día 2, visitou o noso instituto Antón Cortizas Amado para compartir con nós a súas experiencias como escritor. Reuniuse co alumnado de 1º da ESO, que este curso traballou coa súa obra "Leonel". Foron uns agradables intres de lecer polos que dende aquí lle damos as GRAZAS.
Para celebrar este día tan especial para as nosas letras, deixámosvos as presentacións elaboradas pola nosa compañeira e colaboradora Elvira, á que agradecemos o seu magnífico traballo.
O vindeiro mércores día 12 cúmprense 100 anos da morte de Emilia Pardo Bazán. Autora prolífica escribiu máis de 500 obras en forma de novelas, contos, artigos e folletos. Hoxe en día está considerada como unha das precursoras do feminismo en España.
Neste tríptico que preparamos podedes atopar os libros que temos dispoñibles na biblioteca así como unha serie de recursos para afondar na súa vida e obra.
Hoxe presentámosvos os traballos realizados polo alumnado da materia de Deseño do Bacharelato de Artes que versan sobre o coidado do planeta, tema escollido para traballar ao longo do curso desde diferentes áreas curriculares.
Podedes tamén visitar esta estupenda exposición na biblioteca. Agradecemos o gran labor do alumnado e profesorado.
En 1982 a Unesco estableceu o 29 de abril como o Día Internacional da Danza. Elixiuse esta data por ser o natalicio de Jean- Georges Noverre, innovador e estudoso desta arte, mestre e creador do ballet moderno.
Con este motivo, amosámosvos esta pequena selección de lecturas que tedes dispoñibles na biblioteca.
E recordade: QUE NON PARE O BAILE, NIN A LECTURA!!!
Uxía e Nuria. 1º Bach. H
Michelle. 1º Bach. H
Mostrámosvos a terceira entrega de booktubers.
Hana e Ana. 1º Bach. HHoxe vos queremos amosar outra tanda de booktubers
Andrea F. 1º bach.G
Andrea P. 1º bach.G
Desde a Biblioteca queremos agradecervos moitísimo a participación dos booktubers que nos entregaron o seu traballo e a colaboracion do seu profesorado. Realmente observamos moita creatividade, humor e inxenio nas vosas mentes!
Aquí vos deixamos algunha mostra pero iremos publicando máis ao longo desta semana.
Arrincamos a semana do Libro recomendándovos "xeografías lectoras" coa temática elexida para este curso sobre medio ambiente.
Estade atentos porque nos vindeiros días vos amosaremos os videos dos booktubers que participaron na iniciativa convocada para esta data.
O 9 de abril, celebramos o 200 aniversario do nacemento do poeta francés, Charles Baudelaire, que queremos lembrar con este cartel.
Para o día do libro, buscamos BOOKTUBERS para a biblioteca, así que si estás interesado/ a, recoméndanos un libro grabando un vídeo curto e orixinal, e déixao na biblioteca.
A túa participación terá premio.
Hoxe, 2 de Abril, celébrase o Día Internacional do Libro Infantil e Xuvenil, coincidindo coa data de nacemento do escritor danés Hans Christian Andersen. O obxectivo é despertar o interese e amor polos libros e a lectura dos nenos e xóvenes e facer diso un hábito de vida.
En colaboración co departamento de francés, o alumnado de 4º de ESO realizou unha búsqueda de citas da obra "Le petit Prince" ou "O Principiño" de Antoine de Saint-Exupéry, lembrándonos que a lectura non ten idade e que este libro representa parte da nosa infancia. Aquí vos deixamos o traballo resultante.
Festexamos o 8 de marzo propoñéndoos estas lecturas que amosan a loita da muller
na procura da igualdade e do respeto da sociedade ao longo do tempo.
O camiño é longo pero paso a paso o conseguiremos. FELIZ DÍA!
Para o mércores 24 de Febreiro, levaranse a cabo as seguintes actividades para festexar o día de Rosalía.
O pasado 12 de febreiro, celebráronsese uns obradoiros simultáneos para 1º e 2º de ESO sobre diversas temáticas para fomentar no noso alumnado o coidado do planeta. Queremos agradecer a colaboración do departamento de Ciencias coa Biblioteca e darlle a noraboa ao alumnado de 2º de Bach (da materia de CTMA) que participou expoñendo o seu traballo e traballando a educación medioambiental cos máis pequenos.
O amor trascende as fronteiras marcadas por unha sociedade baseada, moitas veces, na tradición e no amor romántico. Para esta ocasión quixemos reflectir as diferentes formas de amar que podemos vivir. Aquí vos deixamos a nosa selección
Tamén vos queremos propoñer unha manualidade para facer na casa ou na aula:
unha caixa corazón con mensaxe para as persoas que queirades.
Aquí vos deixamos o enlace: https://youtu.be/CVYDSMNwlO0
se queredes participar coa biblioteca, seguide as instruccións:
O próximo 11 de febreiro, celebrarase un ano máis o día internacional da muller e nena na ciencia.
Coa finalidade de visibilizar o papel da muller na ciencia, elaboramos esta pequena representación de mulleres científicas galegas, aínda que hai moitas máis.
O vindeiro sábado, día 30, celébrase o Día da Paz e a non violencia. Para esta ocasión seleccionamos algúns dos recursos audiovisuais que están dispoñibles na biblioteca. Esperamos a vosa visita!!!
Este 19 de xaneiro cumpríronse 100 anos do nacemento da escritora americana Patricia Highsmith, autora de relatos curtos e ensaios, coñecida fundamentalmente polas súas novelas de suspense psicolóxico e policiacas, moitas delas levadas ao cine. Aquí vos amosamos os libros que podedes atopar na biblioteca.
