ACTIVIDADES PARA O 25N

 Para darlle visibilidade a este día e promover a participación do noso alumnado, durante esta semana levaranse a cabo diversas actividades entorno a esta data.

Por unha banda o alumnado que colabora na radio do IES Concepción Arenal realizou unha entrevista para concienciar  sobre esta problemática. Deixamosvos aquí o enlace para que a escoitedes e anunciarvos que creamos unha nova sección onde teredes á vosa disposición as gravacións realizadas polos participantes da radio.

PREME NA IMAXE

Por outra banda, facemos un chamamento á participación do alumnado e profesorado na elaboración dun mural onde deixaremos as nosas mensaxes de rexeita da violencia de xénero. Esperamos a vosa colaboración.

 

CONCURSO MARCAPÁXINAS

Como ven sendo habitual desde hai anos, xa temos en marcha o certame para a elaboración do marcapáxinas-calendario deste curso 2025-26. Aquí vos deixamos o cartel con toda a información. Para calquera dúbida pasade pola biblioteca.

Esperamos con impaciencia os vosos traballos.

 ANIMÁDEVOS A PARTICIPAR!!!

APRENDENDO COA CIENCIA

 Este martes, 11 de novembro, dentro das actividades programadas para festexar o mes da ciencia, a biblioteca acolleu dúas iniciativas:  Unha charla sobre a Doazón e transplante de órganos dirixido ao alumnado de 1º de bacharelato da materia de bioloxía, e un obradoiro con experimentos, xogos, pasatempos...a cargo do alumnado do Ciclo medio de laboratorio e na que participou a rapaza de 1º da eso.

  

FELIZ SAMAÍN

Para festexar este día cheo de monstruos, vampiros, meigas e outros seres terroríficos, organizamos 

unhas actividades propias destas datas que esperamos foran do voso agrado!

Bos días de descanso.!Vémonos á volta!

 

MOCHILAS VIAXEIRAS

Coincidindo coa celebración do Día das Bibliotecas puxéronse en marcha rumbo aos seus novos fogares as mochilas viaxeiras. 

Esperamos que supoñan un motivo de reunión e lecer para toda a familia.

24 DE OUTUBRO: DÍA DAS BIBLIOTECAS

 Para seguir coa celebración do Día das Bibliotecas, escollimos este artigo sobre as 10 bibliotecas máis bonitas do mundo co desexo de que algún día podades visitalas.

PREME NA IMAXE

DÍA DAS BIBLIOTECAS

O xoves 24 de outubro festexamos o Día das Bibliotecas. Nesta ocasión, elaboramos un tríptico con algunhas lecturas que che farán reflexionar sobre temáticas que tratan de concienciarnos dos problemas que siguen a existir no noso mundo a pesar do paso do tempo.

Queremos dar visibilidade á importancia das Bibliotecas como centros de información veraz.

 

DÍA DAS ESCRITORAS

 

O luns, 13 de outubro, celébrase o Día das escritoras, e nesta ocasión, dende a biblioteca queremos rendir homenaxe a dúas autoras das que este ano estase a festexar o centenario do seu nacemento: Ana Mª Matute e Carmen Martín Gaite.

Aquí tedes estos dous carteis nos que vos amosamos unha pequena semblanza da súa traxectoria e os libros que temos dispoñibles na biblioteca.

AFICIONAD@S Á MÚSICA

Dende a Biblioteca seguimos a organizar cousiñas. Se o que che vai é a música e eres dos que cantas a todas horas, axúdanos a formar un "coro informal" co que amenizar as celebracións que se levarán a cabo neste curso. 

ESPERÁMOSVOS!!!

 

EMPEZAMOS COAS ACTIVIDADES

Deixámosvos a información das primeiras actividades a realizar desde a biblioteca.

ESPERÁMOSVOS!!!