FORMACIÓN DE USUARIOS

 Como cada curso, a semana pasada recibimos ao novo alumnado de 1º de ESO para explicarlles o funcionamento da biblioteca así como a distribución do seu fondo. Tamén recibiron formación sobre o novo protocolo de seguridade da biblioteca. Grazas a tod@s pola vosa participación!

Falecemento do creador de Mafalda, Quino

Temos que despedir a Quino, creador de Mafalda,  gran ilustrador arxentino que faleceu onte na súa cidade natal aos 88 anos:

Outra vez sopa!”, di Mafalda

Morreu Quino, pero Mafalda será inmortal. A nena sabia fainos rir coa súa mirada inocente e palabras tan certas e tan de actualidade moitas veces.

Aquí a vemos tratando de curar un mundo enfermo. Todos desexamos que o consiga...

Aquí tedes as novas normas de funcionamento da biblioteca para 

garantir a maior seguridade para tod@s.

Leédeas atentamente e respectemos todos o protocolo 

para que o novo curso sexa o máis normal posible.

Entre tod@s imos a conseguilo!!!

 

Benvid@s ao curso 2020-2021

Ola a tod@s!

Desde a biblioteca estamos a traballar para comenzar o curso coas mellores garantías de seguridade.

Entre as novidades, imos habilitar un espazo no blog para que poidades completar o formulario  e darvos de alta coma socios así como para solicitar os vosos libros con antelación.

Estade atentos xa que en breve publicaremos o noso protocolo de seguridade para que, de novo, a biblioteca volva a contar coa vosa presenza.

Ata moi pronto!

Recomendacións de Verán

Xa chega o final de curso, os raios de sol e as brisas de mar,
e con isto, non poden faltar
as nosas recomendacións de verán...
lecturas amenas, interesantes e instructivas
para encher as horas baleiras e días de lecer.
Lembrade ser prudentes e moi bo verán a tod@s!!!
Vémonos en setembro...

ver en pdf

5 xuño: Día mundial do medioambiente

Para celebrar de xeito moi especial este día, elaboramos este cartel informativo 

que vos deixamos a continuación. 

Nel tamén atoparedes, entre outros,  lecturas que espertarán , sen dúbida, o voso interese. 

Ese día, lembrade que haberá un eclipse lunar chamado "lúa de amorodo"

https://www.clarin.com/internacional/eclipse-luna-fresa-verlo_0__dYr_zfMO.html

Coidemos do noso planeta para poder disfrutalo máis tempo...

Recitado "Carvalho Calero" 2019

Dende a biblioteca, queremos lembrar o recitado que tivo lugar o 30 de outubro de 2019 na capela do centro cultural Torrente Ballester. 

Aquí vos deixamos o vídeo e o enlace onde o EDLG recolle toda a información sobre este recitado:  http://revistafdp.blogspot.com/

17 maio 2020: Día das letras galegas

Para celebrar este día, 

realizamos este cartel lembrando con moito agarimo

 ao noso ilustre ferrolán Ricardo Carvalho Calero e ás súas obras.

Tamén vos propoñemos o xogo

 "quén é quén especial Letras Galegas" 

que confeccionamos 

para ver se os coñecedes a tod@s...

Esperamos que vos guste e lembrade que 
a lectura sempre é fonte de coñecemento.

Informando sobre as mascarillas

Usar a mascarilla é un acto solidario que protexe e axuda a non expandir a enfermidade. 

Aquí vos deixamos un cartel informativo dos diferentes tipos e usos.

Ide con prudencia e sempre seguros...

ADICADO AO DÍA DA NAI

Para celebrar o día da nai, 

deixámosvos todos os debuxos que enviaron os/as  vosos/as fillos/as.

Aquí aparecen todos os recibidos! Moitas grazas a  todos...