CERTAME MARCAPÁXINAS 2024

 Este venres día 20  fixemos entrega na biblioteca dos diplomas e agasallos aos traballos premiados do certame de marcapáxinas deste ano 2024. Parabéns a tod@s @s que participáchedes e, en especial, @s premiad@s.

LECTURAS PARA O NADAL

Para estos días de descanso, vos deixamos estas recomendacións literarias que xiran arredor de  autores ou obras  premiados ao longo deste ano.  

Esperando que vos gusten, desexámosvos unhas FELICES FESTAS  e unha excelente entrada de ano. Bo descanso e ata a volta!

 

CURIOSIDADES DE NADAL

Unha das tradicións máis celebradas nestas datas de Nadal é o intercambio de agasallos entre os nosos seres queridos. Este costume  remóntase á combinación de diferentes celebracións e simbolismos ao longo da historia, pero esta tradición non é igual en todos os lugares do mundo, como poderedes ver na presentación que aquí vos deixamos.

REMATANDO O MES DA CIENCIA

 O alumnado do Ciclo Medio de Laboratorio exerceu de titor dos rapaces de 1º de ESO realizando experimentos e xogos de ciencia na biblioteca. Resultou ser unha actividade enriquecedora e integradora demostrando a boa sinerxia entre alumnos/as de idades diferentes.

ACTIVIDADES 25N

                                     

ENLACE À CURTAMETRAXE (UN CONTE)

O alumnado de 3º da ESO tamén estivo a colaborar decorando con globos a entrada da Biblioteca para visibilizar este día e lembrar as 41 vítimas que morreron violentamente en España no 2024.

CHARLAS NO MES DA CIENCIA

 A semana pasada, realizouse una charla informativa sobre Formación Profesional Dual, dirixida ao alumnado de segundo curso de Ciclo Medio de Laboratorio e do Ciclo Superior de Química e Saúde ambiental.

E esta semana, por unha banda,  levouse a cabo unha charla na que participou  o alumnado de Educación dixital  de 3º da ESO titulada "Iniciación segura á pegada dixital".

E por outra banda, para festexar o día mundial da Filosofía, o xoves 21 de novembro, tivo lugar na biblioteca un" café filosófico" para debatir sobre o nada, moderado por José, un dos profesores de filosofía e coa participación do alumnado de distintos niveis.

CIENCIA NO CINE

 Seguimos a traballar a temática do cine e aproveitando a ocasión para celebrar que novembro é o mes da ciencia en galego, presentámosvos esta selección de películas que temos dispoñibles na Biblioteca arredor deste tema. Tamén  podedes visitar na biblioteca unha mostra de libros en galego sobre temática científica.

CONCURSO DE MARCAPÁXINAS 2024

Como cada ano, abrimos o prazo para presentar as vosas creacións que deben versar este curso sobre 

O CINE.

 Aquí vos deixamos as bases para que as consultedes e se tedes dúbidas preguntade na Biblioteca. Esperamos que sexades moit@s @s que participedes para poder amosar a arte que hai no noso instituto💓

Preme aquí para descargar o PDF

SAMAÍN

 Así de terrorífico luciu o noso instituto grazas ao traballo que realizou o alumnado voluntario durante os recreos coa axuda do profesorado organidor do obradoiro.

Asemade, para  a ocasión, a biblioteca elaborou esta presentación que vos deixamos aquí sobre cine de  terror:

DÍA DO ENSINO

Como xa tod@s saberedes, o Día do Ensino, que non ten unha data fixa,  este curso celebrarase o xoves 31 de outubro. Como dende a biblioteca estamos a traballar o tema do cine, queremos festexar esta data presentándovos esta selección de películas cuxa temática xira arredor da labor docente. 

Parabéns a tod@s @s que vos dedicades a esta profesión.

DÍA DAS BIBLIOTECAS: ACTIVIDADES

 Seguindo cos festexos do Día da Biblioteca, fixemos entrega das mochilas viaxeiras aos primeiros

lectores: esperamos que disfrutedes moito das nosas propostas!

Tamén se organizou un monólogo científico a cargo de Big Van Ciencia destinado ao alumnado de 4ºESO, ciclos e 1º Bach. Un espectáculo teatral cheo de ciencia e humor que fixo pasar momentos realmente divertidos. Agradecemos a súa cercanía e entrega cos rapaces.

DÍA DAS BIBLIOTECAS: ESPECIAL CINE

Este curso, no que estamos a traballar arredor do cinema, queremos festexar o Día das Bibliotecas (24 de outubro) presentándovos esta pequena selección de películas nas que os libros e as bibliotecas están moi presentes. 

IX TORNEO XADREZ

 Lembrámosvos que tedes ata o  día 18 de outubro para apuntarvos ao Torneo de Xadrez deste curso.

NON VOS DEMOREDES!

PREPARANDO O SAMAÍN

 Deixámosvos aquí toda a información sobre as actividades que estanse a preparar cara o Samaín. 

CONTAMOS COA VOSA PARTICIPACIÓN!!!

DÍA DA SAÚDE MENTAL

 Hoxe. día 10 de outubro, Día da Saúde Mental, coa finalidade de sensibilizar ao entorno educativo sobre esta problemática, puxemos o noso gran de area organizando un obradoiro no que o alumnado confeccionou unhas grilandas con mensaxes positivas que quedaron expostas no vestíbulo do centro. Asemade, na biblioteca, preparamos unha pequena selección de películas que tratan esta temática dende diversas facetas.

Deixámosvos, ademáis, un enlace a unha publicación sobre o impacto que teñen as redes sociasis na saúde mental dos adolescentes.

PREME NA IMAXE

OBRADOIRO LINGUA DE SIGNOS

Este mércores deu comenzo na biblioteca o obradoiro de lingua de signos que temos previsto desenvolver todos os mércores nos segundos recreos. Non é necesario apuntarse para participar, así que vos esperamos sempre que queirades. ANIMÁDEVOS!!! 

100 ANOS DE TRUMAN CAPOTE

 O luns, 30 de setembro celébrase o centenario do nacemento do icónico escritor norteamericano Truman Capote. 

En lembranza a súa figura amosámosvos este cartel no que atoparedes unha pequena reseña biográfica así como os libros que tedes dispoñibles na biblioteca.

VISITA Á BIBLIOTECA e VOLUNTARIAD@

Pouco a pouco a biblioteca inicia a súa andaina neste novo curso: A pasada semana leváronse a cabo as sesións de formación de usuarios entre o alumnado de 1º da ESO e  a visita por parte do profesorado de nova incorporación (das que deixamos imaxes máis abaixo) e ademáis, xa temos aberto o prazo para á procura de voluntari@s para a nosa biblioteca.

Esperamos que sexan moit@s @s que se decidan a formar parte das distintas actuacións programadas pola biblioteca. 

CONTAMOS CON TOD@S VÓS!!!

VOLTAMOS!!!

Dende a biblioteca queremos dar a benvida a todo o alumnado e profesorado do centro, en especial ao que neste curso se incorpora por primeira vez.  Aínda que en breve organizaremos visitas guiadas para que nos coñezades máis a fondo, invitámosvos a tod@s a pasar pola biblioteca.

RECOMENDACIÓNS DE VERÁN

 Como cada curso e aproveitando o bo tempo e as horas libres de verán, queremos recomendarvos estas lecturas dedicadas á banda deseñada que, esperamos, sexan do voso agrado e disfrutedes moito. 

Que teñades tod@s un excelente descanso e un mellor verán: lembrade que podedes pasar pola biblioteca e levar algún exemplar para sacarlle partido ao tempo libre.

I PREMIO CONCURSO "SOMOS RURAL"

Parabéns ao alumnado galardonado xunto co seu profesor Fernando polo seu traballo  que abre unha nova percepción sobre o rural galego.  O premio foi entregado no salón de actos con moita emoción e participación.

Aquí vos deixamos o enlace: 

PREME NA IMAXE

TRABALLOS ALUMNADO

Dende a biblioteca queremos deixar constancia do moito que ten traballado o noso alumnado este último trimestre. 

Parabéns a todos eles e ao profesorado pola súa dedicación e implicación nestas tarefas.

Por unha banda amosávosmos o proxecto levado a cabo pola profesora de Historia, Cristina, co seu alumnado de 1º da ESO que ilustrou a Odisea en banda deseñada.

 

Por outra banda, o alumnado de bioloxía de 3º da ESO e 1º de bacharelato elaboraron maquetas sobre o corpo humano, que lucen así de ben na nosa biblioteca.

 

Asemade os/as integrantes do club de lectura  fixeron esta guía sobre os distintos xéneros do manga.

E finalmente, as alumnas de 3º ESO A, Iris Fortúnez, Iris Quesada, Emma López, Emma Fernández y Carmen Díaz realizaron este booktrailer sobre o cómic "Problemas gatunos" como traballo para a materia de Lengua e Literatura española.

CENTENARIO FRANZ KAFKA

 Este luns, 3 de xuño, cúmprense 100 anos da morte do escritor  Franz Kafka, considerado un dos pais da literatura moderna. En lembranza a súa figura amosámosvos este pequeno cartel no que podedes atopar información sobre a súa figura así como os libros que temos dispoñibles na biblioteca.

DÍA DAS LETRAS GALEGAS 2024

Para conmemorar este día, dedicado neste ano a Luísa Villalta, queremos compartir con vos o magnífico traballo da nosa compañeira e colaboradora da Biblioteca, Elvira.

PREME NA IMAXE PARA VER O VÍDEO

Asemade vos deixamos un enlace a diversos xogos educativos elaborados por Afundación entorno á figura de Luísa Villalta.

preme para entrar

ACTIVIDADES DÍA DO LIBRO

Durante a semana do 23 de abril dende a biblioteca organizamos dúas actividades: Por unha banda, un obradoiro de papiroflexia para a elaboración de marcapáxinas, baixo as indicacións d@s voluntari@s. E, por outra, a "operación globo" na que os participantes escribiron o título e autor do seu libro preferido nos globos que lles proporcionamos na biblioteca.

Aquí vos deixamos un par de imaxes das dúas iniciativas.

Ademáis, o martes 30 de abril visitou o noso centro o escritor Santiago García-Albiac que mantivo un encontro co alumnado de 3º da ESO para falar do seu libro "El principito se fue a la guerra".

DÍA DO LIBRO

 O vindeiro martes, día 23, celebraremos o Día do Libro. Nesta ocasión temos preparada unha pequena mostra de biografías en banda deseñada que xa podedes visitar.

Por outra banda, durante os recreos levaremos a cabo as seguintes actividades: 

- Un obradoiro de papiroflexia para a elaboración de marcapáxinas.

- O "libro da túa vida": Poderedes escribir nun globo, que vos proporcionaremos, o título e autor do libro que máis vos teña gustado. 

 ESPERÁMOSVOS PARA ENCHER A BIBLIOTECA DE GLOBOS!!!

#DESAFÍOGALEGO 2024

Un curso máis, e xa van tres, púxose en marcha o Desafío galego, unha iniciativa promovida polo EDLG do noso instituto coa finalidade de fomentar o uso da lingua galega. Nesta ocasión contouse, como madriña do evento,  coa poeta e instagramer Nuria Vilán Prado, máis coñecida como "Nuria Vil", cuxa intervención tivo lugar o mércores 13 de Marzo, no salón de actos. 

A iniciativa rematou o venres, día 22, cunha excursión a Ourense onde o profesor Manuel Rei presentou o libro "Otero Pedrayo no IES Concepción Arenal".

 

14M

Este xoves, 14 de marzo, celébrase o Día Internacional das Matemáticas. Ata o 2019 esta data era coñecida, dunha forma un tanto informal, como o Día de PI , xa que a parte enteira e os dous primeiros decimais da popular constante son 3,14.

Invitámosvos a botar unha ollada á mostra sobre "lecturas matemáticas" que preparamos na biblioteca co gallo desta data.

8M

 Como xa saberedes, o venres día 8 celébrase o Día Internacional da Muller, unha data na que se reivindica a igualdade plena entre mulleres e homes. 

Desde la biblioteca presentámosvos esta selección de lecturas en Banda Deseñada que afondan na figura de distintas mulleres que destacaron en ámbitos diversos ou que loitaron polos seus dereitos e ideas.

ÚLTIMAS ACTIVIDADES

Esta semana na biblioteca desenvolvéronse dous obradoiros.

O luns, día 19, aprendimos grazas à ponente da facultade de Fisioterapia da UDC a importancia que ten o uso correcto das mochilas para a saúde da nosa columna e os nosos músculos.

E o martes, día 20, Amnistía Internacional impartiu un obradoiro entre o alumnado de 2º da ESO  sobre a necesidade de establecer vínculos emocionais dun xeito saudable. Agradecemos a súa boa predisposición a traballar connosco.

DÍA INTERNACIONAL DA MULLER E A NENA NA CIENCIA

O vindeiro domingo día 11 celebrarase o Día Internacional da Muller e a Nena na Ciencia coa finalidade de visibilizar o traballo das mulleres que se dedican ás áreas STEM, creando así referentes femininos para a infancia. 

Aínda que ese día todxs estaremos a desfrutar do Entroido queremos reinvindicar a importancia desta data con esta mostra sobre mulleres científicas que podedes visitar na biblioteca.