Día escolar da Paz e a non violencia.

O próximo martes, día 30, celébrase o Día escolar da Paz e a non violencia. Para participar dende a biblioteca elaboramos o cartel, que vos amosamos deseguido, rexeitando o acoso escolar e calquer tipo de violencia. Esperamos que vos guste.

LEMBRADE:  Podedes participar vós tamén deste día escribindo a vosa mensaxe a prol da Paz no muro que estará colocado no vestíbulo do centro.

II CONCURSO INTERNACIONAL DE SOBREMESAS

O segundo concurso internacional de sobremesas foi todo un éxito de participación, e tivemos ocasión de coñecer moitas curiosidades sobre os doces presentados no idioma de orixe, e para quen non o entendera,  facíase a continuación un pequeno resumo. Parabéns aos gañadores e grazas ao xurado e a todos os que presentaron as sobremesas das que despois dimos boa conta, non quedou nen unha frangulla!

II Concurso de repostería

View more presentations or Upload your own.

Volvemos!

¡Xa estamos de volta! Empezamos este novo trimestre convidándovos a pasar pola biblioteca e ver unha pequena mostra  sobre O antigo Exipto.
Para a ocasión fixemos un tríptico  cunha selección de materiais que esperamos sexa do voso interese.

Despedindo o ano

Como despedida do ano e deste primeiro trimestre do curso, na biblioteca leváronse a cabo distintas actividades das que vos damos conta  deseguido.

Desexámosvos a tod@s  un Feliz Ano Novo e boas lecturas:

Obradoiro de papiroflexia co alumnado de 2º da ESO

II Concurso internacional de repostería

Entrega de premios e diplomas do Concurso de Ilustración

Charla sobre  A xeoloxía de Galicia

Nadal

Hoxe, día 20, tivo lugar na biblioteca a entrega de diplomas e premios dos concursos de Cómic contra a violencia de xénero e  de Deseño de marcapáxinas. Parabéns para todo o alumnado participante así como aos premiados.

Velaí deixámosvos unha presentación onde podedes xulgar por vós mesmos a calidade dos traballos dos puntos de lectura realizados 

CONCURSO MARCAPÁX. 17-18

View more presentations or Upload your own.

Aproveitamos tamén a ocasión para amosaros a selección de lecturas, feitas dende a biblioteca, cuxa temática xira ao redor da data que estamos a piques de festexar. Esperamos que sexa de voso agrado e lembrade que un libro sempre resulta unha boa compañía. Felices festas a tod@ s e que o novo ano nos traia novas e marabillosas aventuras lectoras.

Charla trasplantes

Este martes día 19, visitou a nosa biblioteca Alejandro Montero Salinas, enfermeiro do CHUAC, para falar sobre a doazón e trasplantes de órganos, e concienciar ó alumnado da importancia dunha práctica que pode salvar moitas vidas.
Foron casi dúas horas, moi amenas,  nas que puidemos aprender moitas cousas,  e onde os rapac@s tamén foron partícipes, como podedes ver na foto que adxuntamos, practicando a maneira en que se debe   levar a cabo unha reanimación cardiopulmonar.
Para todos os que non puidestes gozar desta sesión deixámosvos a ligazón a un vídeo que ensina como facer a RCP só coas mans, protagonizado polo ex-fubolista e actor Vinnie Jones.

https://www.youtube.com/watch?v=QL4LHPvC3zk

Concurso marcapáxinas "Aprende a pensar coa biblioteca escolar"

Aquí tedes os traballados que resultaron premiados no Concurso de deseño de marcapáxinas. Parabéns a tod@s  @s participantes e, en especial, as premiadas. Máis adiante xa vos amosaremos todos os traballos presentados.
Lembrade que a entrega de premios e diplomas deste concurso e máis do de cómic será o vindeiro mércores  no segundo recreo na biblioteca.

Kazuo Ishiguro

Para achegarnos á figura do último premio Nobel de literatura,que vai recibir o día dez deste mes, poñemos á vosa disposición esta marabillosa presentación de powerpoint, feita como é habitual pola nosa compañeira Elvira Roiz, amiga especial desta biblioteca.

ISHIGURO

View more presentations or Upload your own.

Contra a violencia dixital

A biblioteca quérese sumar ao rexeitamento da violencia de xénero sexa do tipo que sexa. Os expertos din que nos últimos anos está a aumentar entre os máis novos esta violencia , especialmente a que se produce a través das redes sociais. Aportamos algúns datos e consellos: ç

Hoxe ás 12.30 terá lugar na biblioteca un recital literario no que os nosos estudantes lerán fragmentos orixinais e tamén de autores da antiguedade grecolatina.Algunhas alumnas achegaranse aos mitos clásicos de Ariadna, Atenea ou as sereas, e a figura histórica de Cleopatra. E no vestíbulo estase a proxectar unha presentación de viñetas dedicadas a este tema.

Viñetas contra a violencia de xénero

View more presentations or Upload your own.

Concurso de cómic

Este mes de novembro podedes deixar voar a pracer a vosa creatividade porque ademáis do concurso de marcapáxinas o Departamento de Orientación e vicedirección convocaron este concurso para axudar a concienciar e espertar a sensibilidade contra ese grave problema social que é a violencia de xénero.