O día 10 de outubro celebramos o Día da Saúde Mental.
Este ano, dende a Biblioteca, eliximos traballar o benestar emocional e a relaxación nos momentos de estrés. Para a ocasión , creamos este cartel que indica algúns recursos para atopar a calma.
"A calma é o teu verdadeiro poder"
A semana pasada, recibimos a visita dos tres grupos de 1º ESO que descubriron a Biblioteca, a súa historia e funcionamento e recibiron información das diferentes actividades que realizamos durante todo o curso. Dámoslles a benvida aos novos usuarixs desexando que participen nas nosas actuacións.
Como cada curso, buscamos colaboradores da Biblioteca en tarefas de organización, colocación, participación de elaboración de material... Se che interesa, anótate na Biblioteca.
Esperámoste!
.jpg)
Este venres, 5 de xuño, celébrase o Día Mundial do Medioambiente, unha conmemoración que brinda a ocasión para que toda a sociedade, tanto de xeito individual como colectivo, adopte medidas responsables orientadas á protección do medio ambiente.
Nesta ocasión queremos reinvindicar a figura da "heroína" Wangari Maathai, exemplo para moit@s na loita polo medioambiente e o emponderamento feminino.
Este pasado martes pola tarde, a nosa compañeira Elvira mantivo un encontro con alumnado do instituto para achegarlles a figura homenaxeada nestas Letras Galegas 2026. Nesta ocasión, proxectouse o marabilloso video que Elvira elaborou sobre esta figura.
Agradecemos este momento tan especial para a autora do video e a súa colaboración desinteresada coa Biblioteca. Parabéns a este traballo!
A nosa pequena aportación á grande Begoña Caamaño, a autora homenaxeada este ano polo Día das Letras Galegas.
Lembrade que podedes visitar a exposición que temos na Biblioteca dedicada á súa figura.
.png)
Neste fantástico día, o alumnado estivo a participar no obradoiro de lettering organizado para a ocasión.
Descubrimos a grandes artistas e futuros profesionais desta habilidade. Parabéns a todxs!
