CIENCIA EN GALEGO NA BIBLIO

Nos centros educativos e bibliotecas de Galicia en novembro celébrase o Mes da Ciencia en galego. Trátase dunha iniciativa pensada para reinvindicar o uso do galego na investigación, a docencia e a divulgación científica.

En colaboración co EDLG e o Departamento de Ciclos, este luns día 9,  na biblioteca levouse a cabo unha actividade na que participou o alumnado do 1º curso do Ciclo Medio de Laboratorio xunto co de 1º da eso. 

Leváronse a cabo xogos, pasatempos, demostracións...coa finalidade de achegar a ciencia aos mais pequenos dun xeito lúdico. 

Foi unha boa oportunidade para a interacción do alumnado de distinto nivel e estudos e para amosar que a ciencia en galego  tamén é divertida!

 

 

ACTIVIDADES DO DÍA DAS BIBLIOTECAS

Para festexar o Día das bibliotecas leváronse a cabo as seguintes iniciativas:

* Primeira entrega das mochilas viaxeiras que colleron rumbo aos  fogares máis lectores.

* Concesión de diplomas aos voluntari@s do curso pasado, tarefa que tiñamos pendente por facer.

* "Adopta un libro": preparación dunha mesa no vestíbulo do centro con libros descatalogados e donados para levar de agasallo.

*Xornada de portas abertas para as familias e visita á biblioteca para o profesorado do centro.

19 OUTUBRO. DÍA DAS ESCRITORAS

O Día das Escritoras é unha celebración de carácter anual que se convoca o luns máis próximo ao 15 de outubro, en conmemoración da data de falecemento de Santa Teresa de Jesús. 

Nesta ocasión ríndeselle homenaxe ao Lyceum Club Feminino, (1926-1939) a primeira organización cultural e laica, creada por e para as mulleres, que loitou pola igualdade social e xurídica do seu xénero.

10 OUTUBRO: DÍA MUNDIAL DA SAÚDE MENTAL

 O día 10 de outubro celebramos o Día da Saúde Mental. 

Este ano, dende a Biblioteca, eliximos traballar o benestar emocional e a relaxación nos momentos de estrés. Para a ocasión , creamos este cartel que indica algúns recursos para atopar a calma. 

"A calma é o teu verdadeiro poder"

VISITA DE 1º ESO

 A semana pasada, recibimos a visita dos tres grupos de 1º ESO que descubriron a Biblioteca, a súa historia e funcionamento e recibiron información das diferentes actividades que  realizamos durante todo o curso. Dámoslles a benvida aos novos usuarixs desexando que participen nas nosas actuacións.

VISITA DOS GRUPOS DE 1ESO:

A vindeira semana temos programadas as visitas dos grupos de 1º ESO para que 

coñezan a Biblioteca e as  actividades que realizamos durante o curso.

BUSCAMOS VOLUNTARIOS/AS

 Como cada curso, buscamos colaboradores da Biblioteca en tarefas de organización, colocación, participación de elaboración de material... Se che interesa, anótate na Biblioteca.

Esperámoste!

BENVID@S AO NOVO CURSO 2026/27

Dende a Biblioteca, queremos darvos a benvida a toda a comunidade educativa a este novo curso 2026/27!

Esperamos que veñades coas pilas cargadas para afrontar os novos retos e todas as actividades que iremos propoñendo. 

Queremos comunicarvos que este curso traballaremos sobre o tema do Benestar Emocional. Actualizaremos información.

LECTURAS PARA O VERÁN

Este 18 de xullo cumpriranse 90 anos do inicio da Guerra Civil Española e por iso, nesta ocasión, as nosas recomendacións de verán xirarán arredor desta temática.

 
Que teñades un feliz descanso e unhas fantásticas lecturas baixo a luz do sol e a brisa mariña!

Vémonos de novo en setembro.

 

DÍA MUNDIAL DO MEDIOAMBIENTE

 Este venres, 5 de xuño, celébrase o Día Mundial do Medioambiente, unha conmemoración que brinda a ocasión para que toda a sociedade, tanto de xeito individual como colectivo, adopte medidas responsables orientadas á protección do medio ambiente. 

Nesta ocasión queremos reinvindicar a figura da "heroína" Wangari Maathai, exemplo  para moit@s na loita polo medioambiente e o emponderamento feminino.