Seguindo cos festexos do Día da Biblioteca, fixemos entrega das mochilas viaxeiras aos primeiros
lectores: esperamos que disfrutedes moito das nosas propostas!
Este curso, no que estamos a traballar arredor do cinema, queremos festexar o Día das Bibliotecas (24 de outubro) presentándovos esta pequena selección de películas nas que os libros e as bibliotecas están moi presentes.
Lembrámosvos que tedes ata o día 18 de outubro para apuntarvos ao Torneo de Xadrez deste curso.
NON VOS DEMOREDES!
Deixámosvos aquí toda a información sobre as actividades que estanse a preparar cara o Samaín.
Hoxe. día 10 de outubro, Día da Saúde Mental, coa finalidade de sensibilizar ao entorno educativo sobre esta problemática, puxemos o noso gran de area organizando un obradoiro no que o alumnado confeccionou unhas grilandas con mensaxes positivas que quedaron expostas no vestíbulo do centro. Asemade, na biblioteca, preparamos unha pequena selección de películas que tratan esta temática dende diversas facetas.
Deixámosvos, ademáis, un enlace a unha publicación sobre o impacto que teñen as redes sociasis na saúde mental dos adolescentes.
O luns, 30 de setembro celébrase o centenario do nacemento do icónico escritor norteamericano Truman Capote.
En lembranza a súa figura amosámosvos este cartel no que atoparedes unha pequena reseña biográfica así como os libros que tedes dispoñibles na biblioteca.
Pouco a pouco a biblioteca inicia a súa andaina neste novo curso: A pasada semana leváronse a cabo as sesións de formación de usuarios entre o alumnado de 1º da ESO e a visita por parte do profesorado de nova incorporación (das que deixamos imaxes máis abaixo) e ademáis, xa temos aberto o prazo para á procura de voluntari@s para a nosa biblioteca.
Esperamos que sexan moit@s @s que se decidan a formar parte das distintas actuacións programadas pola biblioteca.
CONTAMOS CON TOD@S VÓS!!!
Dende a biblioteca queremos dar a benvida a todo o alumnado e profesorado do centro, en especial ao que neste curso se incorpora por primeira vez. Aínda que en breve organizaremos visitas guiadas para que nos coñezades máis a fondo, invitámosvos a tod@s a pasar pola biblioteca.
Como cada curso e aproveitando o bo tempo e as horas libres de verán, queremos recomendarvos estas lecturas dedicadas á banda deseñada que, esperamos, sexan do voso agrado e disfrutedes moito.
Que teñades tod@s un excelente descanso e un mellor verán: lembrade que podedes pasar pola biblioteca e levar algún exemplar para sacarlle partido ao tempo libre.
Parabéns ao alumnado galardonado xunto co seu profesor Fernando polo seu traballo que abre unha nova percepción sobre o rural galego. O premio foi entregado no salón de actos con moita emoción e participación.
Aquí vos deixamos o enlace:
Dende a biblioteca queremos deixar constancia do moito que ten traballado o noso alumnado este último trimestre.
Parabéns a todos eles e ao profesorado pola súa dedicación e implicación nestas tarefas.
Por unha banda amosávosmos o proxecto levado a cabo pola profesora de Historia, Cristina, co seu alumnado de 1º da ESO que ilustrou a Odisea en banda deseñada.
Por outra banda, o alumnado de bioloxía de 3º da ESO e 1º de bacharelato elaboraron maquetas sobre o corpo humano, que lucen así de ben na nosa biblioteca.
Este luns, 3 de xuño, cúmprense 100 anos da morte do escritor Franz Kafka, considerado un dos pais da literatura moderna. En lembranza a súa figura amosámosvos este pequeno cartel no que podedes atopar información sobre a súa figura así como os libros que temos dispoñibles na biblioteca.
Para conmemorar este día, dedicado neste ano a Luísa Villalta, queremos compartir con vos o magnífico traballo da nosa compañeira e colaboradora da Biblioteca, Elvira.
O vindeiro martes, día 23, celebraremos o Día do Libro. Nesta ocasión temos preparada unha pequena mostra de biografías en banda deseñada que xa podedes visitar.
Por outra banda, durante os recreos levaremos a cabo as seguintes actividades:
- Un obradoiro de papiroflexia para a elaboración de marcapáxinas.
- O "libro da túa vida": Poderedes escribir nun globo, que vos proporcionaremos, o título e autor do libro que máis vos teña gustado.
ESPERÁMOSVOS PARA ENCHER A BIBLIOTECA DE GLOBOS!!!
Un curso máis, e xa van tres, púxose en marcha o Desafío galego, unha iniciativa promovida polo EDLG do noso instituto coa finalidade de fomentar o uso da lingua galega. Nesta ocasión contouse, como madriña do evento, coa poeta e instagramer Nuria Vilán Prado, máis coñecida como "Nuria Vil", cuxa intervención tivo lugar o mércores 13 de Marzo, no salón de actos.
A iniciativa rematou o venres, día 22, cunha excursión a Ourense onde o profesor Manuel Rei presentou o libro "Otero Pedrayo no IES Concepción Arenal".
Este xoves, 14 de marzo, celébrase o Día Internacional das Matemáticas. Ata o 2019 esta data era coñecida, dunha forma un tanto informal, como o Día de PI , xa que a parte enteira e os dous primeiros decimais da popular constante son 3,14.
Invitámosvos a botar unha ollada á mostra sobre "lecturas matemáticas" que preparamos na biblioteca co gallo desta data.
Como xa saberedes, o venres día 8 celébrase o Día Internacional da Muller, unha data na que se reivindica a igualdade plena entre mulleres e homes.
Desde la biblioteca presentámosvos esta selección de lecturas en Banda Deseñada que afondan na figura de distintas mulleres que destacaron en ámbitos diversos ou que loitaron polos seus dereitos e ideas.
.jpg)
Coa colaboración dos voluntarios da Biblioteca quixemos conmemorar este gran día lendo uns poemas adicados á paz ou á non violencia. Grazas polas vosas fermosas voces cheas de esperanza.
O día 30 de xaneiro, ademáis de celebrarse o Día da paz e a non violencia, tamén se conmemora o Día da Ilustración en lembranza do nacemento de Castelao. Para a ocasión elaboramos o tríptico, que aquí podedes ver, cunha selección de cómics de temática histórica e agrupados por épocas.
.jpg)
O xoves, 25 de xaneiro, no instituto levouse a cabo unha charla sobre hábitos de vida saudables e sexualidade segura. Esta iniciativa foi promovida pola Asociación Española contra o Cancro e contou coa participación da influencer Blondie Muser. O alumnado de 3º da ESO puido participar na gravación do podcast "O challenge da túa vida".
Deixámosvos a ligazón da noticia de prensa
O mércores 10 de xaneiro, a biblioteca acolleu unha charla impartida por docentes da UDC para falarnos de cómo mellorar o noso sono e dirixido a alumnado de 1º de Bach. A xuntanza resultou moi satisfactoria e instrutiva. Esperamos que os consellos recibidos sirvan para que tod@s podamos ter un mellor sono e descanso reparador.
.jpg)
Por outra banda, este venres 19, fixemos entrega dos diplomas e dos vales ao alumnado premiado no certame de deseño de marcapáxinas deste curso. Deixámosvos a fotografía dese momento.
