Rematamos o mes de marzo adicado á muller cunha charla que ademáis conecta coa nosa temática "Lugares e xentes": O alumnado de 4º da ESO tivo un encontro coa investigadora do Instituto Español de Oceanografía Lola Garabana, quen nos falou da súa traxectoria profesional dende as súas viaxes como tripulante en barcos pesqueiros ata a súa labor actual como investigadora.
Dámoslle as grazas por compartir as súas experiencias e por ser un exemplo de empoderamento feminino.
O pasado día 7, estivo na nosa biblioteca Kerry McKenitt, xefa de estudos da EOI de Ferrol, para explicar ao alumnado de 2º de bacharelato, que cursa a materia optativa de Reforzo de inglés, o funcionamento do sistema universitario nos países anglosaxóns. Grazas pola súa cercanía cos rapaces/zas e bo rato que nos fixo pasar.
Para festexar o Día Internacional da Muller, este luns día 7, contamos na nosa biblioteca con Aurora Marco, autora de numerosas publicacións de lingua e literatura, de mulleres e xénero e de memoria histórica. Nesta ocasión mantivo un encontro co alumnado de 4º da ESO para falar do seu libro Irmandiñas, obra na que se dá visibilidade e voz a todas as mulleres vinculadas ás "Irmandades da Fala".
Este xoves 24, visitou a nosa bilioteca o escritor ferrolán Antón Cortizas para reunirse co alumnado de 1º da ESO, que está a ler o seu libro Leonel. Ademáis de falar e atender ás preguntas do alumnado sobre esta lectura, ofreceunos unha clase práctica de papiroflexia que foi moi desfrutada por tódolos/as rapaces/as. Dende aquí queremos agradecerlle a súa entrega e esperamos contar con él en novas ocasións.
O pasado xoves, 17 de febreiro, púxose en marcha #DesafíoGalego, iniciativa creada como actividade polo EDLG para o Programa Innovative Language in a Bilingual Country, dentro do Proxecto Erasmus KA2. Trátase de visibilizar e proxectar o galego e a cultura de noso en todos os ámbitos sociais (escolar, familiar, virtual...), e para isto contaremos coa participación do alumnado de 1º e 2º de bacharelato que estea concienciado na importancia da lingua propia de Galicia e queira implicarse na súa promoción. Este proxecto prolongarase ó longo dunha semana, finalizando o 23 de febreiro, Día de Rosalía, coa actuación de O Rabelo.
Dende o ano 2015, cada 11 de febreiro, celébrase o Día Internacional da Muller e a Nena na ciencia coa finalidade de paliar a invisibilidade do papel das mulleres neste ámbito e fomentar prácticas encamiñadas a acadar a igualdade de xénero no ámbito científico.
Para a ocasión dende a biblioteca presentámosche esta pequena colleita de películas que teñen como protagonistas a mulleres científicas.
Este xoves, 3 de febreiro, tivemos o inmenso pracer de contar na nosa biblioteca coa presenza de Espido Freire, a escritora máis xoven en ser galardoada co Premio Planeta pola súa novela Melocotones helados.
Nesta ocasión veunos a falar, entre outras cousas, da súa novela El chico de la flecha, libro que este curso está a ler o alumnado de 2º da ESO. Grazas pola súa visita e compartir un momento inesquecible.
